៦យ៉ាង ដែលអ្នកគួរដឹងពីសៀវភៅ ផ្ទះកណ្ដាលបឹង

១. Concept នៃផ្ទះកណ្ដាលបឹង ត្រូវបានម៉ានិតជ្រើសយកមកធ្វើជាសាច់រឿង នៅពេលដែលគាត់បានប្រទះឃើញផ្ទះលិចទឹកមួយខ្នងនៅជិតផ្ទះគាត់។ ផ្ទះនោះមិនមានដីស្ងួតសម្រាប់ឆ្លងចូលផ្ទះ មិនមានទូក មិនឃើញមនុស្ស តែផ្ទះបើកភ្លើងចោលរាល់យប់។
២. ចំណងជើង "ផ្ទះកណ្ដាលបឹង" នៅលើក្របសៀវភៅត្រូវបានរចនាដោយ ម៉ានិត ដែលជាអ្នកនិពន្ធសៀវភៅផ្ទាល់។

៣. មនុស្សស្រីដែលអង្គុយនៅលើទូកនៃក្របសៀវភៅ គឺជា បងស្រីរបស់ម៉ានិត Molinna Mongដែលពេលនោះគាត់កំពុងមានផ្ទៃពោះ៦ខែទៀតផង។
៤. នៅឆ្នាំ២០១៦ ម៉ានិត បំណងចង់សរសេរសៀវភៅនេះឡើងជាប្រភេទរឿងកំប្លែង ដោយបានដាក់ចំណងជើងជាលើកដំបូងថា "មិត្តខ្ញុំ"។
៥. ឈ្មោះ "ផាឌុន" ដែលជាឈ្មោះតួអង្គឯកបុរស ត្រូវបានដាក់តាមឈ្មោះរបស់ មិត្តអ្នកគាំទ្រម្នាក់របស់ម៉ានិត ដែលគាត់បានជួបនៅកម្មវិធី បុណ្យភូមិ ឆ្នាំ២០១៧ អំឡុងពេលចុះហត្ថលេខាលើសៀវភៅ បេសកកម្មមួយ។
៦. មូលហេតុដែលម៉ានិត ជ្រើសយកម៉ោង១:១៥នាទីយប់ ក្នុងការឲ្យផ្ទះកណ្ដាលបឹង បង្ហាញរឿងរ៉ាវចម្លែកៗរៀងរាល់យប់នៅក្នុងសាច់រឿង ដោយសារតែផ្អែកតាមព័ត៌មានពីមិត្តដ៏គួរឲ្យទុកចិត្តម្នាក់បានអះអាងថា គាត់ជាមនុស្សដែលអាចមើលឃើញវិញ្ញាណខ្មោច ហើយគាត់ជឿថា ម៉ោង១:១៥នាទីយប់ គឺជាម៉ោងដែលវិញ្ញាណខ្មោចឈានជើងចូលមកក្នុងពិភពលោករបស់មនុស្ស។