ភ្នំពេញៈ អតីតតារាចម្រៀងផលិតកម្មសាន់ដេ កញ្ញា ពេជ្រ សូលីកា ដែលបានសម្រេចចិត្តដើរចេញពីសិល្បៈចម្រៀងក្រោយទម្លាយរឿងឈឺចាប់ត្រូវសង្សារលាក់មុខដកហូតយករថយន្តម៉ាក Lexus LS 460 ពណ៌ទឹកសមុទ្រ តម្លៃប្រមាណ ១១ ម៉ឺនដុល្លារ ហើយនាងក៏ប្តូរមកជិះ Lexus RX 300 ពណ៌សចាស់ តម្លៃមិនដល់ ១ ម៉ឺនដុល្លារវិញ ស្រាប់ថ្មីៗនេះនាងបានចេញនូវបទចម្រៀងអូរីជីណលច្រៀងជាមួយដៃគូចាស់គឺលោក នីកូ គួរឲ្យភ្ញាក់ផ្អើលខ្លាំង ក្នុងចម្រៀងថ្មីមានចំណងជើងថា «លាក់បាំង»។
រំពេចនោះមហាជនដែលធ្លាប់គាំទ្រនាង ក៏នាំគ្នាគិតដោយភាពមន្ទិលសង្ស័យថា ៖«ទំនងជាកញ្ញា ពេជ្រ សូលីកា មានគម្រោងវិលមករកសង្វៀនចម្រៀងវិញហើយមើលទៅបានជាសុខៗនាងចេញបទថ្មី ហើយច្រៀងជាមួយដៃគូចាស់គឺ លោក នីកូ ទៀត!»។
អតីតតារាចម្រៀងស្រីមិនសូវជាមានឈ្មោះបោះសំឡេងខ្លាំង តែនៅមានសម្រស់ស្រស់ស្អាតរូបនេះ ខាងភ្នំពេញប៉ុស្តិ៍ ក៏មិនអាចទំនាក់ទំនងសុំការបកស្រាយឲ្យបានច្បាស់ពីគម្រោងការវិលមកជ្រកវិថីជាឆ្នាំងបាយចាស់វិញយ៉ាងណាទេ ដោយសារតែលេខទូរស័ព្ទនាងធ្លាប់ប្រើកាលពីមុនមកនោះ ក៏ត្រូវប្តូរជាលេខទំនាក់ទំនងបានសម្រាប់តែការរកស៊ីនិងបុគ្គលិកជំនួញប៉ុណ្ណោះ។
បើតាមការអះអាងពីស្រីម្នាក់ ដែលបានបង្ហោះលេខទូរស័ព្ទ និងប្រាប់ងារជាអ្នកគ្រប់គ្រងកិច្ចការផ្ទាល់ខ្លួនរបស់តារាចម្រៀងស្រី ពេជ្រ សូលីកា តែមិនហ៊ានប្រាប់ឈ្មោះឲ្យគេដឹងព្រោះតែលេសថារឿងផ្ទាល់ខ្លួន បានលើកទូរស័ព្ទឆ្លើយថា៖ «បទចម្រៀងរបស់កញ្ញា ពេជ្រ សូលីកា ច្រៀងជាមួយលោក នីកូ នេះគ្រាន់តែជាបទចម្រៀងថតលេងៗតែប៉ុណ្ណោះ មិនមានន័យថា នាងចង់វិលរកសិល្បៈនោះឡើយ។ ហើយបើបងចង់ដឹងច្បាស់យ៉ាងណានោះ ប្រើលទ្ធភាពរកការទំនាក់ទំនងដោយខ្លួនឯងចុះព្រោះថារឿងនេះជារឿងផ្ទាល់ខ្លួនរបស់គាត់ ខ្ញុំមិនអាចបកស្រាយបាននោះទេ»។
តែបើតាមលោក នី ណូលី ជាអ្នកនិពន្ធទំនុកច្រៀង និងបទភ្លេងនៃបទ «លាក់បាំង» នេះបានបង្ហើបថា៖ «តាមពិតទៅបទចម្រៀងនេះ ផ្តើមចេញពីគំនិតរបស់លោក នីកូ បានបង្ហើបថា លោកចង់ឲ្យ Fans មានការភ្ញាក់ផ្អើលចំពោះបទចម្រៀងថ្មីរបស់លោក ដែលមានបំណងចង់ច្រៀងគូ ជាមួយនឹងតារាចម្រៀងស្រីណាម្នាក់។ ក្រោយពីលោក ក៏ប្រាប់ឈ្មោះតារាចម្រៀងស្រីគឺកញ្ញា សូលីកា មក ខ្ញុំក៏បានរៀបចំនិពន្ធជាទំនុកច្រៀង និងទំនុកភ្លេង រហូតបានបង្ហោះចេញផ្សាយតាម Page របស់លោក នីកូ នាពេលនេះតែម្តង។ ហើយរឿងថា កញ្ញា សូលីកា វិលចូលសិល្បៈវិញខ្ញុំបានដឹងច្បាស់ដែរ»។
ពេជ្រ សូលីកា បានទៅប្រកបអាជីកម្មលក់បាយស្រូបមានយីហោថា «បាយអូនអ៊ូក» ខណៈបញ្ហាស្នេហារវាងនាង និងអតីតគូស្នេហ៍ឈ្មោះ សៀ សម្បត្តិ ជាមន្ត្រីមានស័ក្តិនៅអង្គភាពកងរាជអាវុធហត្ថនោះត្រូវជម្រះបញ្ជីគ្នារួចមក៕
រំពេចនោះមហាជនដែលធ្លាប់គាំទ្រនាង ក៏នាំគ្នាគិតដោយភាពមន្ទិលសង្ស័យថា ៖«ទំនងជាកញ្ញា ពេជ្រ សូលីកា មានគម្រោងវិលមករកសង្វៀនចម្រៀងវិញហើយមើលទៅបានជាសុខៗនាងចេញបទថ្មី ហើយច្រៀងជាមួយដៃគូចាស់គឺ លោក នីកូ ទៀត!»។
អតីតតារាចម្រៀងស្រីមិនសូវជាមានឈ្មោះបោះសំឡេងខ្លាំង តែនៅមានសម្រស់ស្រស់ស្អាតរូបនេះ ខាងភ្នំពេញប៉ុស្តិ៍ ក៏មិនអាចទំនាក់ទំនងសុំការបកស្រាយឲ្យបានច្បាស់ពីគម្រោងការវិលមកជ្រកវិថីជាឆ្នាំងបាយចាស់វិញយ៉ាងណាទេ ដោយសារតែលេខទូរស័ព្ទនាងធ្លាប់ប្រើកាលពីមុនមកនោះ ក៏ត្រូវប្តូរជាលេខទំនាក់ទំនងបានសម្រាប់តែការរកស៊ីនិងបុគ្គលិកជំនួញប៉ុណ្ណោះ។
បើតាមការអះអាងពីស្រីម្នាក់ ដែលបានបង្ហោះលេខទូរស័ព្ទ និងប្រាប់ងារជាអ្នកគ្រប់គ្រងកិច្ចការផ្ទាល់ខ្លួនរបស់តារាចម្រៀងស្រី ពេជ្រ សូលីកា តែមិនហ៊ានប្រាប់ឈ្មោះឲ្យគេដឹងព្រោះតែលេសថារឿងផ្ទាល់ខ្លួន បានលើកទូរស័ព្ទឆ្លើយថា៖ «បទចម្រៀងរបស់កញ្ញា ពេជ្រ សូលីកា ច្រៀងជាមួយលោក នីកូ នេះគ្រាន់តែជាបទចម្រៀងថតលេងៗតែប៉ុណ្ណោះ មិនមានន័យថា នាងចង់វិលរកសិល្បៈនោះឡើយ។ ហើយបើបងចង់ដឹងច្បាស់យ៉ាងណានោះ ប្រើលទ្ធភាពរកការទំនាក់ទំនងដោយខ្លួនឯងចុះព្រោះថារឿងនេះជារឿងផ្ទាល់ខ្លួនរបស់គាត់ ខ្ញុំមិនអាចបកស្រាយបាននោះទេ»។
តែបើតាមលោក នី ណូលី ជាអ្នកនិពន្ធទំនុកច្រៀង និងបទភ្លេងនៃបទ «លាក់បាំង» នេះបានបង្ហើបថា៖ «តាមពិតទៅបទចម្រៀងនេះ ផ្តើមចេញពីគំនិតរបស់លោក នីកូ បានបង្ហើបថា លោកចង់ឲ្យ Fans មានការភ្ញាក់ផ្អើលចំពោះបទចម្រៀងថ្មីរបស់លោក ដែលមានបំណងចង់ច្រៀងគូ ជាមួយនឹងតារាចម្រៀងស្រីណាម្នាក់។ ក្រោយពីលោក ក៏ប្រាប់ឈ្មោះតារាចម្រៀងស្រីគឺកញ្ញា សូលីកា មក ខ្ញុំក៏បានរៀបចំនិពន្ធជាទំនុកច្រៀង និងទំនុកភ្លេង រហូតបានបង្ហោះចេញផ្សាយតាម Page របស់លោក នីកូ នាពេលនេះតែម្តង។ ហើយរឿងថា កញ្ញា សូលីកា វិលចូលសិល្បៈវិញខ្ញុំបានដឹងច្បាស់ដែរ»។
ពេជ្រ សូលីកា បានទៅប្រកបអាជីកម្មលក់បាយស្រូបមានយីហោថា «បាយអូនអ៊ូក» ខណៈបញ្ហាស្នេហារវាងនាង និងអតីតគូស្នេហ៍ឈ្មោះ សៀ សម្បត្តិ ជាមន្ត្រីមានស័ក្តិនៅអង្គភាពកងរាជអាវុធហត្ថនោះត្រូវជម្រះបញ្ជីគ្នារួចមក៕
Comments
Post a Comment